Social Media : కదిలేది కదిలించేది, మారేది మార్పించేది, మునుముందుకు నడిపించేది పెను నిద్దర వదిలించేది కావాలోయ్ నవకవ ణానికి అని మహా కవి అన్నట్లు నేటి ఆధునిక సామాజిక పరిణామాల పర్యవసానాలు తదనుగుణంగా అరచేతిలో బ్రహ్మాస్త్రంలా మొబైల్స్ క్షణాల వ్యవధిలోని ఎల్లలు దాటి మానవ మెదడులను నేటి సోషల్ మీడియా కుదిపి లేపు తోందనటంలో ఏమాత్రం సందేహం లేదు. వినోద విజ్ఞాన పర్యావరణ విషయాలతో పాటు సామాజిక, ఆర్థిక, రాజకీయ విషయాల విశ్లేషణల సమాచారాలు క్షణాల కాలంలో ఎల్లలు దాటి అనేకానేక సామాజిక మార్పులకు మూలకాలుగామారు తున్నాయనేది వర్తమాన వాస్తవ చిత్రం! ముఖ్యంగా ఈనాటి ఆధునిక సాంకేతిక పరిజ్ఞానాన్ని తమదైన నైపుణ్య శైలితో అందిపుచ్చుకుంటూ ముఖ్యంగా నేటి యువతరం రాకెట్ను మించిన వేగంతో తాము అనుకున్న సమాచారాన్ని క్షణాల వ్యవధిలో ప్రపంచవ్యాప్తంగా పంపిణీ చేస్తున్నదనేది ఒక వాస్తవం! గతం కంటే భిన్నంగా సాంప్రదాయ మీడియాల (ప్రింట్, ఎలక్ట్రానిక్) కంటే వేగంగా నేటి సోషల్ మీడియా విసృతి, పరిధి వేగం పెరగటమే కాకుండా క్షణం క్షణం ప్రతిక్షణం ప్రపంచవ్యాప్తంగా కోట్లాదిమంది ప్రజల ఆలో చనలలో అవగాహనలో ఒక బలమైన గొంతుకతో వేగ వంతమైన మార్పులకు ముందడుగులో ఉన్నదనేది అక్షర సత్యం! నేటి సామాజిక ప్రపంచంలో జరుగుతున్న అనే కానేక సమస్యాత్మక విషయాలలో ముఖ్యంగా యువతరా నికి( జెంజి) సంబంధించిన సమస్యలను ప్రభుత్వాలు జాగ్ర త్తగా పరిశీలించాల్సిన అవసరం ఎంతైనా ఉన్నది.

Social Media : ఉద్యమాల్లో ముందు భాగంలో
యువతలో పేరుకుపోతున్న నిరాశ నిస్పృహలు అసహనాలు, ఆవేశాలు కట్టడి చేయలేని స్థాయిలో దినదిన ప్రవర్తమానంగా పెరిగి పోతున్నాయి. దీనికి ముఖ్య కారణాలుగా లోప భూయిష్టత తో కూడిన విద్యావిధానాలు, నిరుద్యోగ యువతకు ఉపాధి కల్పనలు, నిరుద్యోగ భృతిలతో పాటుగా మన శరీర రక్షణ వ్యవస్థ మన శరీరం మీదే దాడి చేసినట్లుగా( ఆటో ఇమ్యూ నిటీ) నేటి ఆధునిక సాంకేతిక పరిజ్ఞానంలో ఆర్టిఫిషియల్ ఇంటిలిజెన్సీ కూడా యువత ఉద్యోగ భద్రతలపై పెను సవా ళ్లను విసురుతోంది. ఈ పరిణామాలు అన్నీ కూడా యువతలో భయాందోళనలను కలిగిస్తోంది. పెల్లుబుకుతున్న ఆవేశాలు, అసహనాలు, అలజడులకు ప్రధానంగా ఆయాప్రభు త్వాలలోని ఆర్ధిక సంక్షోభాలు, రాజకీయ అస్థిరతలు, అనూ హ్యంగా పెరుగుతున్న నిత్యావసర ధరలు, ఆశ్రితపక్షపాతా లు (నెపోటిజం), అవినీతి, సామాజిక సాంఘిక అసమాన తలు, అనూహ్యంగా పెరుగుతున్న నిరుద్యోగుల సంఖ్య, చేస్తున్న ఉద్యోగాల్లో భద్రతలు లేకపోవడం ఇవన్నీ కూడా ముఖ్యంగా యువతలో అశాంతి అలజడులకు కారణాలుగా ఉంటున్నాయి. వీటి పర్యవసానాల వలననే అనేక ప్రభు త్వాలు సంక్షోభాలలోకి నెట్టబడుతున్నాయనేది మన కళ్ళ ముందర కనపడుతున్న వాస్తవ దృశ్యాలు. ఈ కారణాలతో ప్రజల్లో పెరుగుతున్న అసంతృప్తులు, అసహనాలు అలజడు ల రూపంలో ప్రతిధ్వనించటమే కాకుండాముఖ్యంగా యువ తరం (జెంజీలు) ఈ ఉద్యమాల్లో ముందు భాగంలో నిలుస్తూ తమ అసంతృప్తులను సోషల్ మీడియా వేదికగా విస్తృతంగా ప్రపంచ దశ దిశలా వేగంగా వ్యాప్తి చేస్తున్నారు. ప్రపంచ వ్యాప్తంగా ఈ నిరసన ధ్వనులు సంక్షోభాలు ఆసియా, యూరప్ ఉత్తర, దక్షిణ, అమెరికా దేశాలలో సైతం ప్రభు త్వాలని సంక్లిష్ట పరిస్థితులలోకి నెట్టి వేస్తున్నాయనినేది ప్రస్తుత పరిణామాలకు అద్దం పడుతోంది.

ఉద్యోగ భద్రతకు ముప్పుగా
గతం కంటే భిన్నంగా సమస్యాత్మక విషయాలపైన సోషల్ మీడియా వేదికగా ప్రశ్నించే గొంతుల సంఖ్య దినదిన ప్రవర్తమానంగా పెరగటమే కాదు అందులో అగ్రభాగాన యువతరం తమ గళాన్ని మాత్రమే కాదు సోషల్ మీడియా వేదిక ద్వారా ఎన్నెన్నో అనూహ్యమైన నిరసన పద్ధతులను ప్రపంచవ్యా ప్తంగా అత్యంత వేగవంతంగా వినిపిస్తోందనేది స్పష్టమే. దీనివలన సంక్షోభాల ఊబిలో కూరుకుపోతున్న ప్రభుత్వాలు తమ ఉనికిని కాపాడుకునే దిశగా నష్ట నివారణ చర్యలలో భాగంగా కదలికలు ప్రారంభించాయి అని చెప్పక తప్పదు. సహజంగానే ప్రభుత్వ విధానాలపైన ఎవరు విమర్శ చేసిన దానికి తగ్గట్టుగా తమను తాము సమర్ధించుకునే విధంగా ప్రతి విమర్శలు కూడా ఉంటాయి కానీసమస్య సార్వజనీయ మైనప్పుడు అది ప్రతి ఒక్కరి మనసుకు తగిలినప్పుడు ప్రతి విమర్శల దాడి దూదిపింజలు లాగా గాలిలోకి ఎగిరిపోతాయి ఎందుకంటే వాస్తవ పరిస్థితులను విచక్షణతో గమనిస్తూ దానికి తగ్గ విధంగా మద్దతు అనేది ప్రజల నుంచి సహజం గానే ప్రజా ఉద్యమాల వైపు మొగ్గు చూపుతూ ఉంటుంది. ఇది ప్రకృతి మనిషికి ప్రసాదించిన మహోన్నతమైన వరం అని చెప్పక తప్పదు. నేటి ఈ ఉద్విగ్నభరితమైన సామాజిక వాతావరణంలో ముఖ్యంగా యువతరం ఆశయ ఆకాంక్షలకు అనుగుణంగా విద్యా విధానాలపై, ఉద్యోగ, ఉపాధి కల్పనల తో పాటుగా ఉ ద్యోగభద్రతకు ముప్పుగా మారిన ఆర్టిఫిషి యల్ ఇంటిలిజెన్సీ విధానాలపై కూడా వేగవంతమైనసమగ్ర అధ్యయనాలను శాస్త్రీయ బద్ధంగా సామాజిక శాస్త్రవేత్తల ద్వారా నిబద్ధతతో జరిపించి తక్షణమే ఆ విధివిధానాలను అమలు చేయగలిగితే రోగానికి తగిన చికిత్స జరిగి సామా జిక ప్రపంచంలో కొంతలో కొంతశాంతి సామరస్యాలు నెల కొల్ప బడతాయనటంలో ఏమాత్రం సందేహం లేదు అంతే కాకుండా తమ తమ దేశాలలో సంస్థాగతంగా ఎదుర్కొంటు న్న సమస్యలపై దృష్టి సారించి వాటిని క్షుణ్ణంగా పరిశీలించి అవగాహన చేసుకుంటూ ఎటువంటి భేషజాలు లేకుండా వాటికి తగ్గ పరిష్కారాలు చూపగలిగితే దేశ శాంతి మాత్ర మే కాదు ప్రపంచ శాంతికూడా సాకారమయ్యే అవకాశాలు ఉంటాయనేదే వర్తమాన ఆవశ్యకత.
-అమరనాథ్ జగర్లపూడి