చలికాలంలో గులాబీ మొక్కలకు పువ్వులు ఎక్కువగా పూస్తాయి. ముఖ్యంగా నవంబర్ నుంచి ఫిబ్రవరి వరకు గులాబీ పూలు చాలా బాగా విరగబూస్తాయి. అయితే కొంతమంది ఎన్ని గులాబీ మొక్కలు పెంచినా పువ్వులు మాత్రం సరిగ్గా పూయవు. మొక్కలు వాడిపోతూ ఉంటాయి. అలా కాకుండా గులాబీ మొక్క గుబురుగా పెరిగి గుత్తులు గుత్తులుగా పువ్వులు పూయాలంటే ఏం చేయాలో ఈ టిప్స్ పాటిస్తే చాలు..
గులాబీ మొక్క బాగా పెరగాలంటే ముందుగా మట్టి మంచిగా ఉండాలి. మట్టిలో సేంద్రియ ఎరువులు కలపడం వల్ల మొక్క వేర్లు బలంగా పెరుగుతాయి. మొక్క ఎదుగుదలకు కూడా సహాయపడుతుంది. కాఫీ చేసుకున్న తర్వాత మిగిలిన పొడిని ఎండబెట్టి కొద్ది మొత్తంలో మొక్కలకు వేయవచ్చు. దీనివల్ల మట్టిలో సేంద్రియ పదార్థాలు పెరగడానికి కూడా ఇది హెల్ప్ చేస్తుంది.
కొమ్మలను కత్తిరించాలి : గులాబీ మొక్కకు పువ్వులు పూసి వాడిపోయిన తర్వాత వాటిని తొలగించాలి. అలాగే ఎండిపోయిన కొమ్మలను కూడా కత్తిరించాలి. దీనివల్ల కొత్త కొమ్మలు రావడానికి అవకాశం ఉంటుంది. మొక్క గుబురుగా పెరుగుతుంది. గులాబీ మొక్క మొద్దుబారిపోయి పువ్వులు పూయకుండా ఉంటుంది. అది కేవలం మట్టికి బలం లేకపోవడం వల్లనే ఇలా చేయండి.
పటిక తీసుకుని పొడి చెయ్యాలి. అది ఒక స్పూన్ తీసుకోని ఒక లీటర్ వాటర్ లో కలిపి మొక్క చుట్టూ పోయాలి. ఇలా నెలకు ఒకసారి చేస్తే మట్టికి బలం రావడమే కాకుండా మొక్క బలంగా పెరిగి పువ్వులు గుత్తులు గుత్తులుగా పూస్తాయి. బియ్యం కడిగిన నీటిని పారేయకుండా మొక్కలకు పోయండి. ఈ నీటిలో ఉండే కొద్దిమొత్తం ఖనిజాలు, పిండి పదార్థాలు నేలలోని సూక్ష్మజీవులకు ఉపయోగపడతాయి. దీనివల్ల మొక్క ఎదుగుదలకు సహాయం అందుతుంది.



