Cyclone ‘Akwan’ : ఈ సీజన్లో మూడో వరుస తుపాన్ ‘అక్వాన్’ తీరం దాటడానికి ఇంకా సంకోచిస్తోంది. ఇప్పటికే రెండు తుపాన్లు కోస్తా రైతును చాచికొట్టి మరీ సెలవు తీసుకు న్నాయి. గత రెండు తుపాన్లతో పోలిస్తే ‘అక్వాన్’ దరువు తక్కువేమీ కాదన్న హెచ్చరికలు రైతును అయోమయంలో పడేసాయి. అదే దిగులుతో రైతు బెంగపెట్టుకుపోయాడు. అర్నాబ్, మురను, తాజాగా ఆక్వాన్లు ఏమాత్రం ఆంధ్రా రైతుకు కనికరించలేదు. చెప్పుకోదిగిన విషయమేమిటంటే కోస్తాతీరం ఆ చివర్నించి ఈ చివరి వరకు ఆ మూడూ మూడు చోట్ల కేంద్రీకృతమయ్యాయి. పర్యవసానం విధ్వం సమే. ‘అక్వాన్’ తొలి వాతావరణ హెచ్చరికలను బట్టి నెల్లూరు, తునిల మధ్య తీరాన్ని దాటే అవకాశాన్ని వాతా వరణ శాఖ సూచించింది. కానీ ఆ చివర్నించి ఈ చివరకు ‘గాలం గొర్రి’లా తిరుగుతూనే ఉంది. అలా తీరాన్ని తాకే సమయాల్లో గంటకు 120 నుంచి 145 కిలో మీటర్లతో పెనుగాలులతో బీభత్సం సృష్టించే అవకాశంఉందని వాతా వరణ హెచ్చరికలను జారీ చేయడంతో జనం ఆందోళన పడ్తున్నారు. ఇలాంటి హెచ్చరికలతో రెడ్ అలర్ట్ ఉన్న జిల్లాల యంత్రాం గం అప్రమత్తంగా ఉంది. ఒక నెల రోజుల వ్యవధిలో అర్నబ్, మురసు రూపంలో ఇప్పటికే 2 తుపాన్లు ఆంధ్రా తీరప్రాంతాన్ని అతలాకుతలం చేశాయి. ముందస్తు చర్యలతో ప్రాణనష్టం లేకుండా గట్టెక్కారు. ఈ తుపానులతో దాదాపు 520 కిలోమీటర్ల మేర గ్రామీణ రోడ్లు ధ్వంసమయ్యాయి. ఆ రోడ్స్ను వెంటనే పునరుద్ధ రించే చర్యలు తీసుకుంటున్నారు. తీరం దాటేవేళ తీవ్రత ఎక్కువగా ఉండే ఎన్టీఆర్ఎఫ్, ఎన్టీఆర్ఎఫ్ బృందాలను సిద్ధం చేశారు.

Cyclone ‘Akwan’ : భారీ వర్షాలు కురిసే అవకాశం
ఆంధ్రాపల్లెల్లో ‘వరి’ పంట చేతికి వచ్చే సమయంలో ‘అక్వాన్’ తుపాను రూపంలో విపత్తు సంభ వించడం దురదృష్టకరం. పంట తడిసిపోయిందనిబాధపడి లాభం లేదు. ఎన్ని విధాలుగా చెప్పినా రైతుకు తప్పించు కునే మార్గం లేదు. ఇటీవల తుపాను గాలుల్లో వెళ్లవద్దని హెచ్చరికలున్నా సముద్రంలోకి వెళ్లి చిక్కుకున్న తమిళనాడు మత్స్యకారులు జీవితాలు విషాదమయ్యాయి. ఈ నేపథ్యం లోనే తీరం పొడవునా గ్రామాల్లో ఉండే మత్స్యకారులె వరూ ‘వేటకు వెళ్లడాన్ని నిషేధించారు. ఆ మేరకు జాగ్ర త్తలు పాటించాల్సిందే. ఈ తుపాను ప్రభావంతో కోస్తా జిల్లాల్లో గురువారం కూడా అతి భారీ వర్షాలు కురిసే అవకాశం ఉంది. ఎల్న్ని పర్యవసానాలు ఫలానాలా ఉంటాయని తేటతెల్లమైన పరిస్థితుల్లో ఇప్పుడొచ్చినమూడు వరుస తుపానులు భయంకర అనుభవాలు, ఫలితాలు చూపిస్తాయనడంలో సందేహం లేదు. గతంలో ఎల్న్ని లేని, రాని సమయంలో కూడా నాలుగు తుఫానులు నలువైపుల నుంచీ దాడిచేశాయి. అయినా అప్పుడు వాటిని కొద్దిపాటి నష్టంతో సరిపెట్టుకున్నాయి. రుతుపవనాల అనంతర కాలంలో ఫైలిన్, హెలెన్, లెహర్, మాడి అనే పేరుగల నాలుగు తుపానుల తాకిడికి కోస్తాతీరం విలవిల్లాడగా రెండు తుపానులు ఆంధ్రప్రదేశ్ తీరాన్ని తాకాయి. ఇంకొకటి ఒడిశా తీరాన్ని, మరొకటి తమిళనాడు తీరాన్ని ప్రభావితం చేశాయి. ఈ 2026లో బంగాళా ఖాతంలో మూడు వారాల పరిధిలో మూడు తుపానులు విధ్వంసం సృష్టించాయి. ఈ తు పానులకుకారణమవుతున్న అంశాలన్నీ మానవాళికి ఇబ్బందికరమే. కానీ తరుచు తీర ప్రాంతాల మీద పడుతున్నందున వాటిని సంసిద్ధత చేయ డంలో ఆంధ్రాపాలకుల వైఖరి ప్రత్యేకమే.

ఆకస్మిక వర దలకు దారితీసే ప్రమాదముంది
తొలి రెండు తుపానుల వల్ల 4.5 లక్షల హెక్టార్లలో పంట దెబ్బతింది. 14 మంది ప్రాణాలుగాలిలో కలిసిపోయాయి. అక్వాన్ విష యమై వాతావరణ శాఖహెచ్చరికలు జనాన్ని భయకంపితుల్ని చేస్తున్నాయి. కాకినాడ, కోనసీమ, తూర్పుగోదావరి జిల్లా, ఏలూరు, కృష్ణా, బాపట్ల జిల్లాలతోపాటు యానాంకు భారత వాతావరణ శాఖ రెడ్ అలర్ట్ జారీచేసింది. ఇప్పటికే ఈ తుపాను ప్రభావంతో చెన్నై, తిరువళ్లూరు, చెంగల్పట్టు లలో భారీ వర్షాలు కురుస్తుండగా గురువారం నుంచిఒడిశా తీరప్రాంతాన్ని అల్లకల్లోలం చేసే అవకాశముందని ముందే ప్రకటించినందున రైతులు తగిన జాగ్రత్తలు తీసుకున్నారు. తమ పంట ఉత్పత్తులను జాగ్రత్త చేసుకున్నారు. ఆ ప్రాం తంలో దాదాపు 55 గ్రామాల్లో కొండచరియలు విరిగిపడే అవకాశమున్నందున జనాన్ని ఆయా ప్రభుత్వాలు అప్ర మత్తం చేశాయి. ఒకే తీరప్రాంతాన్ని వరుసగా 3తుపాన్లు దాడిచేస్తే వాతావరణ తీవ్రమార్పులు జరిగే అవకాశముంది. అర్నాబ్, మురసు తుపానులవల్ల గోదావరి డెల్టా, ఉత్త రాంధ్ర, దక్షిణ కోస్తాలో నీట మునిగిన పంట పొలాలు ఇంకా ఆరలేదు. ఈప్రాంతంలో ధాన్యం మొలకలెత్తేసాయి. వాటన్నిటినీ ఒబ్బిడి చేయక ముందే మళ్లీ మరో తుపాను విరుచుకుపడుతుండడమొక్కటే ఆందోళనకరం. నేల ఇప్ప టికే పూర్తిగా తడిసి ఉండడంతో ‘అక్వాన్’ ప్రభావంతో కురిసే వాననీరు భూమిలోకి ఇంకినట్లయితే ఆకస్మిక వర దలకు దారితీసే ప్రమాదముంది. ఇప్పటికే ఎంతో సాగు ఉత్పత్తులను పోగొట్టుకున్నా కోస్తాతీరం తమ వ్యక్తిగత భద్రతకు మాత్రమే తాపత్రయపడ్తోంది. మురసు తుపాను నష్టం రూ.2,484 కోట్లకు చేరుకోగా అక్వాన్ ప్రభావం నుంచి కాపాడేందుకు రాష్ట్రప్రభుత్వం ముందస్తు ప్రణాళి కలు చెప్పుకోదగినవి. 16 జిల్లాలో 2.69 లక్షల హెక్టార్ల ఉద్యానపంటలకు ముందస్తురక్షణకు ప్రభుత్వం సన్నద్ధమైంది. 23.87 లక్షల హెక్టార్ల వ్యవసాయ పంటలను కూడా ముందస్తు భద్రతా ప్రణాళికలతో కాపు కాస్తున్నారు. గత రెండు తుపానుల నష్టాల అంచనాల నివేదిక కేంద్ర ప్రభుత్వానికి చేరనేలేదు. మళ్లీ మూడో విపత్తు. రైతుకు చివరకు మిగిలిందేమిటో తెలిసే సరికి కొన్నాళ్లు పడ్తుంది. ఈలోగా చాతనైనంత జాగ్రత్తలు తీసుకోవడమే మన ముందున్న కర్తవ్యం. శుక్రవారం మధ్యాహ్నం కానీ తీరం దాటేట్లు లేదు. ఈ రెండు రోజులూ సముద్రంలోనే తీరం దాటుతూ ‘అతి తీవ్ర తుపాను’గా మారే అవకాశం ఉంది.