షేర్: f 𝕏 ✉ ✈ in @
nexgenfoundation.in 21 నవం 2026, 12:18 సా.
హైదరాబాద్

డ్రగ్స్ మహమ్మారిపై యాత్ర’కు వెంకటేష్ మద్దతు.. టీ-షర్టు ఆవిష్కరణ

Telugu news, student education and Vedic Maths for school children
ప్రచురణ తేదీ: 21 నవం 2026, 12:18 సా. రచన: One News Desk
5 వీక్షణలు 0 వ్యాఖ్యలు
డ్రగ్స్ మహమ్మారిపై యాత్ర’కు వెంకటేష్ మద్దతు.. టీ-షర్టు ఆవిష్కరణ

Nasha Mukt Bharat Yatra: యువత బంగారు భవిష్యత్తును చిదిమేస్తున్న మత్తుపదార్థాల (డ్రగ్స్) మహమ్మారిని తరిమికొట్టేందుకు సినీ, రాజకీయ రంగాలు ఏకమవుతున్నాయి. కేంద్ర మంత్రి జి. కిషన్ రెడ్డి ఆధ్వర్యంలో ఈ నెల 25, 26, 27 తేదీల్లో హైదరాబాద్ మహానగరంలో అత్యంత ప్రతిష్టాత్మకంగా నిర్వహించనున్న ‘నషా ముక్త్ భారత్ యాత్ర’ (హైదరాబాద్ వాక్)కు ప్రముఖ సినీ నటుడు విక్టరీ వెంకటేష్ తన సంపూర్ణ మద్దతును ప్రకటించారు. ఈ మహా ప్రజా ఉద్యమంలో భాగస్వాములు కావాలని కేంద్ర మంత్రి కిషన్ రెడ్డి ఆయనను ప్రత్యేకంగా కలిసి ఆహ్వానించగా, ఈ సందర్భంగా ఇద్దరూ కలిసి యాత్రకు సంబంధించిన ప్రత్యేక టీ-షర్టులను ఆవిష్కరించారు.

Nasha Mukt Bharat Yatra: డ్రగ్స్ రక్కసిని అంతమొందించడం మనందరి బాధ్యత: వెంకటేష్

సమాజాన్ని, ముఖ్యంగా యువత జీవితాలను నాశనం చేస్తున్న డ్రగ్స్ రక్కసిని అంతమొందించడం మనందరి సామాజిక బాధ్యతని విక్టరీ వెంకటేష్ పేర్కొన్నారు. ఆరోగ్యకరమైన, డ్రగ్స్ రహిత సమాజ నిర్మాణం కోసం జరిగే ఇలాంటి గొప్ప కార్యక్రమాలకు తన మద్దతు ఎల్లప్పుడూ ఉంటుందని ఆయన స్పష్టం చేశారు. సమాజ హితం కోసం చేపడుతున్న ఈ యాత్ర విజయవంతం కావాలని వెంకటేష్ ఆకాంక్షించారు.

ప్రధానమంత్రి నరేంద్ర మోడీ ఇచ్చిన “నషా ముక్త్ యువా ఫర్ వికసిత్ భారత్” పిలుపు మేరకు, 2029 నాటికి డ్రగ్స్ రహిత భారతదేశాన్ని నిర్మించాలన్న కేంద్ర హోంమంత్రి అమిత్ షా దృఢ సంకల్పంతో ఈ యాత్రను చేపడుతున్నట్లు కేంద్ర మంత్రి కిషన్ రెడ్డి తెలిపారు. భావితరాల భద్రత కోసం నిర్వహిస్తున్న ఈ మహా యజ్ఞంలో యువత, తల్లిదండ్రులు, నగర ప్రజలు ప్రతి ఒక్కరూ స్వచ్ఛందంగా భాగస్వాములు కావాలని ఆయన పిలుపునిచ్చారు.

#హైదరాబాద్
Nasha Mukt Bharat Yatra: యువత బంగారు భవిష్యత్తును చిదిమేస్తున్న మత్తుపదార్థాల (డ్రగ్స్) మహమ్మారిని తరిమికొట్టేందుకు సినీ, రాజకీయ రంగాలు ఏకమవుతున్నాయి. కేంద్ర మంత్రి జి. కిషన్ రెడ్డి ఆధ్వర్యంలో…