Transfer : ప్రజలకు రక్షణ కల్పించాల్సిన వ్యవస్థే భయానికి కారణమైతే సామాన్యుడు న్యాయం కోసం ఎవరిని ఆశ్రయించాలి? ఫిర్యాదు స్వీకరించి న్యాయం చేయాల్సిన అధికారులపైనే లంచం డిమాండ్ చేస్తున్నారన్న ఆరో పణలు వస్తే బాధితుడి పరిస్థితి ఏమి టి? నేరాలను అరికట్టాల్సిన పోలీసు శాఖలో అవినీతి, అధికార దుర్విని యోగం, అంతర్గత విభేదాల ఆరోప ణలు వెలుగుచూడటం ఆందోళన కలిగించే అంశం. హైదరాబాద్ కేబీఆర్ పార్కు సమీపంలో పర్యావరణ కార్యకర్తల అరెస్టులపై జాతీయ మానవ హక్కు ల కమిషన్ స్పందన, యాపల్గూడ ప్రత్యేక పోలీసు బెటా లియన్లో వివాదం, రిమ్స్ లో చికిత్స అనంతరం రాహుల్ కాంబ్లే మృతి, ఆదిలాబాద్ బజార్ హత్నూర్ ఎస్ఐ ఏసీబీకి పట్టుబడిన ఘటన.. ఒక్కో పరిణామం ఒక్కో ప్రశ్నను ముందుకు తెస్తోంది. మరోవైపు, నవంబర్ 12న రాష్ట్ర ప్రభుత్వం 21 మంది ఐపీఎస్ అధికారులకు కొత్త బాధ్యతలు అప్పగించింది. అయితే బదలీలను, ఏసీబీ దాడులను, వివిధ ఫిర్యాదులను ఒకే కోణంలో చూడలేం. ప్రతి ఘటనకు ప్రత్యేక నేపథ్యం ఉంటుంది. ఆరోపణలు విచారణలో నిర్ధారణ కావాలి. అయినప్పటికీ ప్రజల ముం దున్న ప్రశ్న ఒక్కటే. చట్టాన్ని అమలు చేసే అధికారులే చట్టపరమైన హద్దులు దాటితే సామాన్యుడికి భరోసా కల్పిం చేది ఎవరు? హైదరాబాద్ కేబీఆర్ పార్కు వరిసరాల్లో చెట్ల తొలగింపును వ్యతిరేకిస్తూ మే 13న నిరసన తెలిపిన ఐదు గురు పర్యావరణ కార్యకర్తలను పోలీసులు అదుపులోకి తీసుకున్న ఘటనపై జాతీయ మానవ హక్కుల కమిషన్ మే 20న స్వయంగా విచారణకు స్వీకరించింది.

Transfer : చట్టం నిర్దేశించిన విధానాలు, ఆధారాలు
తెలంగాణ డీజీపీ, హైదరాబాద్ జిల్లా మేజిస్ట్రేట్కు నోటీసులు జారీ చేసి నివేదిక కోరింది. వార్తల్లో వచ్చిన ఆరోపణలు నిజమైతే మానవ హక్కుల ఉల్లంఘన అంశాలు తలెత్తవచ్చని కమి షన్ పేర్కొంది. ఇది తుది నిర్ధారణ కాదు, అధికారుల వివరణ కోరిన ప్రాథమిక చర్య మాత్రమే. మరోవైపు తెలంగాణ హైకోర్టు జూన్ 10న ఒక నిర్దిష్ట రౌడీషీట్ నిర్వహణలో సరైన సమీక్ష జరగలేదని గుర్తించి దాన్ని మూసివేయాలని ఆదేశించింది. అన్ని రౌడీషీట్లనూ తప్పు బట్టినట్లు ఈ ఉత్తర్వులను అర్ధం చేసుకోరాదు. చట్టం నిర్దేశించిన విధానాలు, ఆధారాలు, సమీక్ష ప్రక్రియ పాటించాల్సిందేనన్నది ఇందులోని ప్రధాన అంశం. ప్రజా నిరసనలను నియంత్రించడం పోలీసుల విధి అయినా, ఆ చర్యలు చట్టపరిధిలోనే ఉండాలి. ఆదిలాబాద్ జిల్లాయాపల్ గూడ రెండో తెలంగాణ ప్రత్యేక పోలీసు బెటాలియన్ లో చోటుచేసుకున్న పరిణామాలు శాఖలో అంతర్గత పర్యవేక్షణ అవసరాన్ని గుర్తుచేస్తున్నాయి. సెప్టెంబర్ 25న రిజర్వ్ సబ్ ఇన్స్పెక్టర్ ఫిర్యాదు మేరకు రిజర్వ్ ఇన్స్పెక్టర్ హత్యా యత్నం కేసు నమోదైంది. జీపుతో ఢీకొట్టిన ఘటనలో రిజర్వ్ సబ్ ఇన్స్పెక్టర్ గాయపడినట్లు వార్తా కథనాలు వెల్లడించాయి. బెటాలియన్లో బదిలీలు, విధుల కేటాయిం పు, నిర్మాణ పనులు, ఇంధన వినియోగం, మందుల కొను గోళ్లు, సంక్షేమ కార్యక్రమాల్లో అక్రమాలు జరిగాయన్న ఆరో పణలు కూడా వెలువడ్డాయి. అక్రమాలపై ఉన్నతాధికారు లకు ఫిర్యాదు చేసినందుకే కక్ష పెంచుకున్నారన్న వాదనలూ ఉన్నాయి.
విచారణ చట్ట బద్ధంగా సాగాలి
అక్టోబర్ 30న ఇద్దరు ఇన్స్పెక్టర్లను సస్పెండ్ చేసినట్లు వార్తలు వచ్చాయి. అయితే సస్పెన్షన్ నేర నిర్ధారణ కాదు. ఆరోపణలన్నింటి పైనా స్వతంత్రంగా, పారదర్శ కంగా విచారణ జరిపి వాస్తవాలను వెల్లడించాలి. బెటాలి యన్లో పనిచేసే సిబ్బందికి ఫిర్యాదు చేసే స్వేచ్ఛ, భద్రత కల్పించడమూ ఉన్నతాధికారుల బాధ్యతే. అక్టోబర్ 29న రాహుల్ కాంబ్లే మృతి మరో తీవ్ర చర్చకు దారితీసింది. తేలు కుట్టడంతో చికిత్స కోసం రిమ్స్కు వెళ్లిన రాహుల్ అక్కడి వైద్య సేవలపై మొబైల్లో వీడియో తీసినట్లు వార్తా కథ నాలు తెలిపాయి. ఈ క్రమంలో వైద్యసిబ్బందితో వాగ్వాదం జరిగిందని, పోలీసులు ఆయనను పోలీస్ స్టేషన్కు తీసుకెళ్లి అనంతరం తండ్రికి అప్పగించారని పోలీసుల వివరణగా వార్తలు వెల్లడించాయి. ఇంటికి వెళ్లిన తర్వాత రాహుల్ ఆత్మహత్య చేసుకున్నట్లు కథనాలు పేర్కొన్నాయి. నూసైడ్ నోట్లో వైద్య సిబ్బంది, పోలీసుల ప్రవర్తనపై ఆరోపణలు చేసినట్లు సమాచారం. మరోవైపు పోలీసులపై చేసిన దాడి ఆరోపణలను అధికారులు ఖండిస్తూ సీసీటీవీ ఆధారాలు ఉన్నాయని పేర్కొన్నట్లు పీటీఐ కథనం తెలిపింది. కుటుంబ సభ్యుల ఫిర్యాదు మేరకు వైద్య సిబ్బంది, పోలీసు సిబ్బంది పై కేసు నమోదైనట్లు వార్తలువచ్చాయి. ఇలాంటి ఘటనలో ఆరోపణలే తుది వాస్తవాలుగా మారకూడదు. సీసీటీవీ దృ శ్యాలు, వైద్య రికార్డులు, పోలీన్స్టస్టేషన్ వివరాలు, సాక్షుల వాంగ్మూలాలను నిష్పక్షపాతంగా పరిశీలించాలి. బాధిత కుటుంబానికి న్యాయం జరగడంతోపాటు విచారణ చట్ట బద్ధంగా సాగాలి. పోలీసు శాఖలో అవినీతి ఆరోపణల తీవ్ర తను ఇటీవలి ఏసీబీ చర్యలు మరోసారి గుర్తుచేస్తున్నాయి.

బదిలీలు పరిపాలనా మార్పునకు ఆరంభం కావచ్చు
2025 అక్టోబర్ 1 నుంచి 2026 జూన్ 9 వరకు తెలం గాణలో 192 అవినీతి కేసులు నమోదయ్యాయి. వాటిలో 95 ట్రాప్ కేసులు, 12 ఆదాయానికి మించిన ఆస్తుల కేసు లు, 23 క్రిమినల్ మిన్కండక్ట్ కేసులు ఉన్నాయి. ఆగస్టు 22న చందానగర్ పోలీస్ స్టేషన్కు చెందిన ఎస్ఐ, ఔ కానిస్టే బుల్ రూ.75 వేల లంచం తీసుకుంటూ ఏసీబీకి పట్టుబ డ్డారు. సెప్టెంబర్ 16న కీసర ఎస్ఐ రూ.5 లక్షల లంచం తీసుకుంటూ పట్టుబడగా, నవంబర్ 9న అదే పోలీస్ స్టేషన్ కు చెందిన మరో ఎస్ఐ రూ.2 లక్షలు తీసుకుంటూ చిక్కా రు. ఈ ఘటనలన్నింటిలోనూ ఏసీబీ ఆరోపణలు, దర్యాప్తు వివరాలే ప్రస్తుతానికి ఆధారం. నేరం నిరూపితమయ్యేవరకు చట్టపరమైన ప్రక్రియ కొనసాగాలి. అవినీతి నిరోధక చర్యలు అరెస్టులతోనే ఆగిపోకుండా కేసుల పరిష్కారంవరకుసాగాలి. నిజాయితీగా పనిచేసే సిబ్బందికి అండగా నిలుస్తూనే, తప్పు నిరూపితమైన వారిపై హోదాతో సం బంధం లేకుండా చర్య లు తీసుకోవాలి. మొన్న జరిగిన బదలీలు పరిపాలనా నిర్ణయాలు మాత్రమే అనుకోవచ్చు. బదలీల వెనుక శిక్షాత్మక ఉద్దేశాలున్నాయని ఆధారాలు లేకుండా చెప్పడం సరికాదు. అయితే కొత్త బాధ్యతలు చేపట్టిన అధికారులు ప్రజలకు అందే సేవల్లో మెరుగుదల కనిపించేలా చర్యలు తీసుకోవా లి. పోలీస్ స్టేషన్లలో ఫిర్యాదుల స్వీకరణ, దర్యాప్తు నాణ్యత, మహిళలు, పిల్లల భద్రత, బెటాలియన్లలో పర్యవేక్షణ, సిబ్బంది ప్రవర్తనపై నిరంతర సమీక్ష అవసరం. పోలీసు వ్యవస్థలోని లో పాలను ఎత్తిచూపడం అంటే మొత్తంశాఖను కించపరచడం కాదు. ప్రజల కోసం నిబద్ధతతో పనిచేసే సిబ్బంది గౌరవం నిలవాలన్నా, వ్యవస్థపై నమ్మకం పెరగాల న్నా జ వాబుదారీతనం అవసరం. బదిలీలు పరిపాలనా మార్పునకు ఆరంభం కావచ్చు. కానీ నిజమైన మార్పు కనిపించేది ప్రజలకు అందే సేవల్లోనే అధికారం ప్రదర్శిం చడం కాదు. న్యాయం చేయడమే పోలీసు వ్యవస్థకు గౌర వం తెస్తుంది. ప్రజలకు భయంకాదు, భరోసా కల్పించిన ప్పుడే ఖాకీపై విశ్వాసం మరింత బలపడుతుంది.
-ఎల్లల సంతోష్ కుమార్